रेवती नक्षत्र वैदिक ज्योतिषमा २७ नक्षत्रहरूको अन्तिम (२७औं) नक्षत्र हो। यो मीन राशिको १६°४०' देखि ३०°००' सम्म फैलिएको हुन्छ। "धनी" वा "समृद्ध", पोषण गर्ने, प्रकाश दिने र मार्गदर्शन गर्ने। यो नक्षत्र समृद्धि, पोषण, आध्यात्मिक र नयाँ शुरुआतको प्रतीक मानिन्छ।

1. राशिः मीन (Pisces)
2. नक्षत्र स्वामीः बुध
3. देवताः पूषा (यात्रा, पोषण र संरक्षणका देवता)
4. चिन्हः माछा (Fish)
5. गुणः सात्त्विक
6. प्रकृतिः कोमल (Mridu)
7. उद्देश्यः मोक्ष
8. तत्वः जल
9. प्रतीकः माछाको जोडी
10. ग्रह स्वामीः बुध
11. गुणः मृदु (कोमल), देव गण

व्यक्तित्व गुण

1. रेवती नक्षत्रमा जन्मिएका व्यक्तिहरू सामान्यतया दयालु, करुणामय, रचनात्मक र सहयोगी, मजबूत अन्तर्ज्ञान हुन्छ र अरूलाई मार्गदर्शन दिन रुचाउँछन्।
2. शारीरिक रूपमाः लामो कद, गोरो वर्ण, आकर्षक व्यक्तित्व र सन्तुलित शरीर।
3. स्वभावमाः शुद्ध हृदय, धार्मिक, ईश्वरभक्त, मिलनसार, मधुरभाषी र सामाजिक।
4. बौद्धिक रूपमाः बुद्धिमान, ज्ञानको भोको, रचनात्मक सोच, उनीहरू सफा-व्यवस्थित जीवनशैली मन पराउने र अरूको सहयोगबाट सफल हुन्छन्।

सकारात्मक पक्ष

1. दयालु, सहयोगी, अरूलाई मद्दत गर्न तयार।
2. रचनात्मक, कलात्मक, कला, संगीत, लेखनमा प्रतिभाशाली।
3. अन्तर्ज्ञानयुक्त, सही निर्णय लिने क्षमता, आध्यात्मिक झुकाव।
4. स्वतन्त्र र भाग्यशाली, मिलनसार, सबैको प्रिय, तरक्की गर्ने।
5. धार्मिक र शुद्ध, ईश्वरभक्ति मजबूत, सफा बानी र सामाजिक सद्भाव।
6. परिस्थिति अनुसार अनुकूल रहन्छ, जीवनमा समृद्धि र सम्मान दिलाउँछन्।

करियर र रुचि क्षेत्र

1. कला, मनोरञ्जन, अभिनेता, संगीतकार, चित्रकार, लेखक, कवि, नर्तक, हास्य कलाकार।
2. चिकित्सा, सेवा, चिकित्सक, मनोवैज्ञानिक, सम्मोहनकर्ता, नर्सिङ वा मानवीय कार्य, NGO
3. अध्यात्म, धार्मिक अभियान्ता, शिक्षक वा गुरु।
4. Media, Communication, Journalist, Editor, Publisher, Travel Agent, Flight Attendant.
5. अनुसन्धान, प्रशासन, वैज्ञानिक अनुसन्धान, पुरातत्व, इतिहास, सरकारी जागिर, शहरी योजना वा राजनीति।

मीठो बोली बोल्ने, मित्रतापूर्ण व्यवहार भएको र स्वतन्त्र प्रकृतिको हुन्छन्। कसैको पनि काममा बाधा नगर्ने र आफूले पनि अरूबाट यस्तै आशा राख्दछन्। परिस्थिति अनुसार मान्छेसंग आफ्नो व्यवहार परिवर्तन गर्ने, कुनै पनि कुरा गुप्त राख्न नसक्ने, इमानदार र स्पष्ट हृदयको हुन्छन्। व्यवहार धेरै धार्मिक हुने र पुरातन संस्कृति र इतिहासमा धेरै चासो राख्ने, लचिलो स्वभावको हुन्छन्। आफ्नो कार्य पूरा गर्नु परेमा इमानदारीका साथ पूरा गर्ने यसै गुणले गर्दा सफलता पाउनु हुनेछ। कुशल र ज्ञानी, दिमाग पनि तेज, शिक्षाको स्तर उच्च छ। विद्वान, सधैं मीठो बोली बोल्ने व्यवहारले सबैले आफ्नो मित्र मनाउन चाहन्छन्। समाजमा आदरपूर्ण व्यक्ति र अरुलाई माया, साथ सहयोग गर्न सधैँ तत्पर रहने स्वभाव हुन्छ। आध्यात्मिकतामा गहिरो रूचि र आस्था छ। जीवन तपाईंले चाहे अनुसार परम आनन्द, खुशी र सुखसाधन सम्पन्न बित्नेछ। वित्तीय दृष्टिले धेरै सुखी र समृद्ध हुनु हुनेछ। तपाईंले छोराछोरीबाट पनि पर्याप्त आनन्द प्राप्त गर्नु हुनेछ र आफ्नो बाबुबाट साथ सहयोग माया पूर्णरुपमा मिल्छ।

कामप्रति बलियो झुकाव हुन्छ। मेहनत, बुद्धि र परिश्रमका साथ काममा एउटा उच्च पद हासिल गर्नु हुनेछ। तपाईंका अनुकूल पेशाहरू हुन् - कलाकार, चित्रकार, सम्मोहन विशेषज्ञ, Actor, संगीतकार, जादूगर, घडीहरु वा भित्तेघडी सम्बन्धित काम, भवन निर्माण सम्बन्धित काम, पात्रो वा पञ्चांग निर्माता, रत्न व्यापारी, अनाथालय सम्बन्धित काम, धार्मिक संस्थाहरुको सञ्चालक, यातायात नियन्त्रण, सडक सुरक्षा कर्मी, Flight Attendant, Water Transport Related Work, H-Care, Police, Electricity, Roads Related Work.