व्रत सुरुवात गर्ने नियम (व्रतारम्भ)

• सङ्कल्प: यदि तपाई पहिलो पटक यो व्रत सुरु (आरम्भ) गर्दै हुनुहुन्छ भने, पण्डितलाई बोलाएर प्रतिज्ञा (व्रत बस्ने प्रतिवद्धता) र गोदान सङ्कल्प अनिवार्य गर्नुपर्छ।
• खान नहुने: व्रतको दिन नुन, रोटी, भात र अशुद्ध वस्तुहरु खान हुँदैन।

साँझको पूजा तयारी (चन्द्रोदय पछि)
जब साँझ चन्द्रमा उदाउँछन्, तब पूजा सुरु हुन्छ। पूजाको लागि सामान

• १६ सरे १६ वटा बत्ती, टपरी, चामल, काँसको कलश (लोटा), काँसको थाल, पूर्ण चन्द्रमाको प्रतीक वा मूर्ति,

चन्द्रमाको आवाहन र स्नान (षोडशोपचार पूजा)

• तिलानी जल: भगवानको गोडा धुने जल।
• अर्घ्य: सम्मानस्वरूप चढाइने विशेष जल।
• आचमन: चोखिनका लागि प्रयोग गरिने सुगन्धित जल।
• पञ्चामृत स्नान: दूध, दही, घिउ, मह र चिनी मिसाएर चन्द्रमालाई स्नान गराउने।
• शुद्ध जल स्नान: पञ्चामृतले नुहाएपछि फेरि सफा जलले नुहाउने। त्यसपछि…
• वस्त्र, उपवस्त्र, जनै, चन्दन (अबिर, केशरी), जौ, तिल, लाभा (भुटेको धान), दुबो, श्रृंगार, फूल, धूप (धूपबत्ती), कपुरको दीप (आरती), नैवेद्य (प्रसाद/भोग) र दक्षिणा।
• मन्त्र जप: पूजा सकिएपछि “ॐ ऐं क्लीं सोमाय नम:” मन्त्रको १०८ पटक जप गर्ने।
• अर्घ्यका सामग्रीहरू: काँसको कचौरामा दहि, दूध, घिउ, तोरी (सर्स्यूँ), जल, कुश, सुपारी, तिल, अबिर, केशरी, दुबो र फूल मिसाएर अर्घ्य तयार पार्ने।
• आचमनका सामग्रीहरू: कचौरामा जल, कपुर, ल्वाङ, सुकमेल
• पाद्यका सामग्रीहरू: कचौरामा जल, जौ, तिल, कुश, अबिर, केशरी